23–24 ოქტომბერს, სინტაქსმა მონაწილეობა მიიღო ლონდონში გამართულ საერთაშორისო კონფერენციაზე — ManageEngine UserConf London 2025, რომელიც აერთიანებს IT სფეროს წამყვან პროფესიონალებს, პარტნიორებსა და მომხმარებლებს მთელი მსოფლიოდან.

ღონისძიებაზე დამსწრეებს საშუალება ჰქონდათ შეხვედროდნენ პროდუქტის შემქმნელებს, გაცნობოდნენ უახლეს ტექნოლოგიურ ტენდენციებს და მიეღოთ პრაქტიკული გამოცდილება ახალი ფუნქციონალების გამოყენებაში.

კონფერენციის ფარგლებში გაიმართა ტექნიკური ვორქშოპები და ინდივიდუალური შეხვედრები ტექნიკურ სპეციალისტებთან, რომლებმაც სტუმრებს შესაძლებლობა მისცეს გაეზიარებინათ გამოცდილება და მიეღოთ პერსონალური რეკომენდაციები.

ღონისძიება ასევე მოიცავდა გასართობ აქტივობებსაც, რომლებიც ახალი კონტაქტებისა და პარტნიორული ურთიერთობების ჩამოყალიბებაზე იყო ორიენტირებული.

სინტაქსისთვის, მონაწილეობა საერთაშორისო პარტნიორის — ManageEngine-ს მასშტაბურ კონფერენციაში UserConf London 2025, კიდევ ერთი მნიშვნელოვანი ნაბიჯია კომპანიის გლობალური განვითარების, გამოცდილების გაზიარებისა და პარტნიორული ურთიერთობების გასაღრმავებლად.

🚀 Syntax Global — საქართველოდან საერთაშორისო წარმატებისკენ!

#GoGlobal #ManageEngine #UserConfLondon

12–17 ოქტომბერს, სინტაქსმა მონაწილეობა მიიღო დუბაიში გამართულ ორ მასშტაბურ ტექნოლოგიურ ფორუმში — GITEX Global 2025 და Expand North Star 2025, რომლებიც აერთიანებენ მსოფლიოს წამყვან ტექნოლოგიურ კომპანიებსა და ინვესტორებს.

GITEX Global ერთ-ერთ ყველაზე გავლენიან ტექნოლოგიურ ღონისძიებად ითვლება მსოფლიოში და ყოველწლიურად მასპინძლობს 200 000-მდე დამსწრეს, 6 500 კომპანიას და 180-ზე მეტ ქვეყნის წარმომადგენელს. ღონისძიების მიზანია გლობალური ტექნოლოგიური ინოვაციების წახალისება და ახალი ბიზნეს შესაძლებლობების შექმნა.

Expand North Star 2025 – ფოკუსირებულია სტარტაპ ეკოსისტემასა და ინვესტიციებზე და წარმოადგენს უნიკალურ სივრცეს სტარტაპერებისთვის, რომლებიც მიზნად ისახავენ ახალი ტექნოლოგიური იდეების გლობალურ დონეზე განვითარებას.

მიმდინარე წელს, საქართველო წარმოდგენილი იყო ინიციატივის „StartUP in Georgia“ ფარგლებში, რომლის მიზანია ხელი შეუწყოს ქვეყნის სტარტაპ ეკოსისტემის განვითარებასა და საერთაშორისო პოზიციონირებას.

აღნიშნული ინიციატივის ფარგლებში, სინტაქსიც შეუერთდა ღონისძიებებს, რათა გაეზიარებინა საკუთარი გამოცდილება, გაეფართოებინა საერთაშორისო ბიზნეს კონტაქტები და გაეცნო უახლეს გლობალურ ტექნოლოგიურ ტენდენციებს.

ღონისძიებებზე განსაკუთრებული ყურადღება დაეთმო ისეთ მიმართულებებს, როგორიცაა ხელოვნური ინტელექტი, კიბერუსაფრთხოება, ღრუბლოვანი სერვისები, მონაცემთა მართვა და ციფრული ტრანსფორმაცია — სფეროები, რომლებშიც სინტაქსი აქტიურად საქმიანობს და განაგრძობს განვითარებას.

სინტაქსის მონაწილეობა GITEX Global 2025-სა და Expand North Star 2025-ში, კიდევ ერთი წინგადადგმული ნაბიჯია კომპანიის საერთაშორისო ზრდისა და პარტნიორული ურთიერთობების გასაღრმავებლად.

Syntax Global — საქართველოდან საერთაშორისო წარმატებისკენ!

#GoGlobal

8-9 ოქტომბერს სინტაქსმა მონაწილეობა მიიღო უზბეკეთში გამართულ მასშტაბურ ბიზნეს ღონისძიებაზე – „საქართველო-უზბეკეთი აბრეშუმის გზა“, რომელიც გაყიდვების ასოციაციის ორგანიზებითა და თიბისი ბიზნესისთვის მხარდაჭერით გაიმართა. ღონისძიება ტაშკენტის სასტუმრო Hilton Tashkent City-ში ორ დღეს გაგრძელდა და მოიცავდა კონფერენცია-გამოფენას.

კომპანიას წარმოადგენდნენ გიორგი მაჭავარიანი (სინტაქსის თანადამფუძნებელი), ზაზა ჯაველიძე (სინტაქსის თანადამფუძნებელი) და სალომე ბაკურაძე (სინტაქსის Enterprise ექაუნთ მენეჯერი).

ღონისძიებას 4000-ზე მეტი სტუმარი და 50-მდე კომპანიის წარმომადგენელი დაესწრო სხვადასხვა სექტორიდან – მათ შორის სამშენებლო, სამედიცინო, სარეკლამო და ლოგისტიკის სფეროებიდან. ფორუმის მიზანი იყო საქართველოსა და უზბეკეთს შორის ბიზნეს ურთიერთობების გაღრმავება და კომპანიებისთვის ახალი შესაძლებლობების გახსნა.

სინტაქსის მონაწილეობა ამ ფორუმში მნიშვნელოვანი ნაბიჯია კომპანიის საერთაშორისო თანამშრომლობების გაფართოებისა და რეგიონის ბიზნეს ეკოსისტემასთან კიდევ უფრო მჭიდრო კავშირების დასამყარებლად. მსგავსი ღონისძიებები საშუალებას იძლევა, წარმოაჩინონ ქართული ბიზნესების გამოცდილება, ჩამოყალიბდეს ახალი პარტნიორული ურთიერთობები და გაძლიერდეს საქართველოს როლი რეგიონულ ეკონომიკურ ქსელში.

Syntax Global — საქართველოდან საერთაშორისო წარმატებისკენ!

#GoGlobal