კომპანია სინტაქსისა და სინტაქს აკადემიის ინიციატივით, IT სფეროთი დაინტერესებულ სტუდენტებს მიეცათ კიდევ ერთი შესაძლებლობა, სრულიად უსასყიდლოდ მიეღოთ ცოდნა და გადაედგათ პირველი ნაბიჯები ტექნოლოგიური სფეროს მიმართულებით.
სასწავლო პროგრამის ფარგლებში, სტუდენტებმა მიიღეს თეორიული ცოდნა და პრაქტიკული სავარჯიშოების კომბინაციით დააგროვეს გამოცდილება როგორც Software ისე Hardware მიმართლებით. მოვიცავით ისეთი საკითხები, როგორებიცაა: CompTia A+, ITIL-ის ზოგადი პრინციპები, ITIL-ის პრაქტიკები (სერვის დესკი- SPOC; პრობლემების მენეჯმენტი; ცვლილებების მენეჯმენტი; პროექტ მენეჯმენტი) და ასევე სერვისის გაწევის სხვადასხვა სპეციფიკა IT სფეროში.
კურსს სინტაქს აკადემიის კვალიფიციური ტრენერები – დიმიტრი ერემიანი, მარიამ ჭლიკაძე და ელენე ბენდელიანი უძღვებოდნენ.
გუნდის სახელით, წარმატებას ვუსურვებთ თითოეულ სტუდენტს!
17 ოქტომბერს, კომპანია სინტაქსისა და ManageEngine-ს ორგანიზებით, წარმატებით ჩატარდა Endpoint Central-ის ვორქშოპი საქართველოში, რომელშიც მონაწილეობა მიიღეს კომპანია სინტაქსის არსებულმა მომხმარებლებმა, სხვადასხვა ორგანიზაციიდან.
ღონისძიებას უძღვებოდა Arul Aram, კომპანია ManageEngine-ს პროდუქტის Endpoint Central-ის ტექნიკური ექაუნთ მენეჯერი, რომელმაც დეტალურად განიხილა პროდუქტის ფუნქციონალი, მისი უპირატესობები და ასევე ავტომატიზაციის შესაძლებლობები, თითოეული მოდულის ფარგლებში.
ვორქშოპზე დეტალურად იყო განხილული შემდეგი საკითხები:
Patching with Vulnerability and Remediation;
Distribute Software and Filter Apps;
OS Imaging and Deployment;
IT Asset Management and Device Security;
Mobile Device Management;
Remote Control and Troubleshooting;
Unified Endpoint Security;
Breach protection and remediation.
გარდა ზემოთჩამოთვლილი საკითხებისა, განსაკუთრებული ყურადღება გამახვილდა უსაფრთხოების ახალ ედონებზე, რაც აქტუალურია მინდინარე პერიოდში.
ვორქშოპის განმავლობაში, მონაწილეებმა შეასრულეს როგორც პრაქტიკული, ისე თეორიული დავალება, მოსმენილი ინფორმაციის საფუძველზე.
კომპანია სინტაქსისა და ManageEngine-ს სახელით, გვინდა მადლობა გადავუხადოთ თითოეულ დამსწრეს, დაფასებისთვისა და აქტიური ჩართულობისათვის.
ოთხდღიანი ინტენსიური კურსი მოიცავდა ისეთ საკითხებს, როგორებიცაა: Teams, Planner, OneDrive, SharePoint, Outlook-ისა და Loop-ის ფუნქციონალის, მათი გამოყენების შესაძლებლობებს და ხელოვნური ინტელექტის Copilot for Microsoft 365 ფუნქციონალს.
ტრენინგს უძღვებოდა კომპანია სინტაქსის Enterprise ექაუნთ მენეჯერი და სინტაქს აკადემიის სერტიფიცირებული ტრენერი – ელენე ბენდელიანი.
გუნდის სახელით, გვინდა წარმატება ვუსურვოთ თითოეულ მონაწილეს!
სინტაქს აკადემია, ISO მასერტიფიცირებელი, სატრენინგო კომპანია PECB-ს წარმომადგენელია საქართველოში, რაც გულისხმობს იმას, რომ სინტაქს აკადემიის საშუალებით, დაინტერესებულ პირებს ექნებათ დარგობრივი ტრენინგების გავლისა და ISO 27001-ის სტანდარტის შესაბამისი სერტიფიკატების მიღების შესაძლებლობა.
ანი ნიკოლაიშვილი, სინტაქს აკადემიის დირექტორი:
“PECB-ს პარტნიორობა, მნიშვნელოვანი ნაბიჯია, როგორც თავად აკადემიისთვის, ისე, ზოგადად სფეროს განვითარებისთვისაც. PECB-ს ტრენინგების გავლა, მნიშვნელოვანი შესაძლებლობაა განსაკუთრებით იმ ორგანიზაციებისთვის, რომელთაც ეხებათ კანონი ინფორმაციული უსაფრთხოების შესახებ და სურთ მასთან შესაბამისობაში მოყვანა – ორგანიზაციაში არსებული შესაძლო გამოწვევების აუდიტისა და სწორად გადაჭრისთვის.”
აკადემიაში ამ ეტაპზე, ინფორმაციული უსაფრთხოების მიმართულებით გახსნილია ორი კურსი – Lead Auditor-ისა და Lead Implementer-ის სახელწოდებით, ორივე შემთხვევაში ტრენინგს კითხულობს PECB-ს მიერ აკრედიტებული ტრენერი – ანზორ მეხრიშვილი, პროცესი წარიმართება მშობლიურ ენაზე, მოგეცემათ წვდომა ყველანაირ რესურსზე, რომელიც პროცესში შესაძლოა დაგჭირდეთ. კურსის ღირებულებაში, ტრენინგის გავლის გარდა, გათვალისწინებულია საერთაშორისო გამოცდაზე გასვლის ღირებულება და დამატებითი გადაბარების შანსი იმ შემთხვევისთვის, თუ კანდიდატმა ვერ მოახერხა პირველივე ცდაზე ჩაბარება.
სინტაქსისა და Zoho კორპორაციის შვილობილი კომპანია – ManageEngine-ს ორგანიზებით, თბილისსა და ბათუმში ჩატარდა კონფერენცია კიბერუსაფრთხოების მიმართულებით, რომელიც ფარავდა კიბერუსაფრთხოების გამოწვევებს აიტის სექტორისთვის.
კონფერენციაზე განვიხილეთ სწორედ ისეთი გადაწყვეტილებები, როგორებიცაა PAM360, LOG360, AD360, Endpoint Central და ა.შ. რომლებიც თავის მხრივ პასუხობს უსაფრთხოების მიმართულებით სხვადასხვა სახის გამოწვევებს.
აღნიშნული გადაწყვეტილებები დაეხმარება ორგანიზაციებს, რომ შემდგომში მაქსიმალურად უსაფრთხო გახდეს მათი გარემო.
სინტაქსისა და ManageEngine-ს გუნდის სახელით, მადლობას ვუხდით თითოეულ სტუმარს დასწრებისთვის!
კომპანია სინტაქსმა და მისი ქოლგის ქვეშ არსებულმა საგანმანათლებლო მიმართულებამ – სინტაქს აკადემია, IT სფეროთი დაინტერესებული სტუდენტებისთვის, ერთობლივი სასწავლო პროგრამა შექმნეს, რომელიც სტუდენტებს, მისცემდა შესაძლებლობას, სრულიად უსასყიდლოდ მიეღოთ ცოდნა და გადაედგათ პირველი ნაბიჯები ტექნოლოგიური სფეროს მიმართულებით.
სასწავლო პროგრამის ფარგლებში, სტუდენტებმა მიიღეს თეორიული ცოდნა და პრაქტიკული სავარჯიშოების კომბინაციით დააგროვეს გამოცდილება როგორც სოფთვეარ ისე ჰარდვეარ მიმართლებით. მოვიცავით ისეთი საკითხები, როგორებიცაა: CompTia A+, ITIL-ის ზოგადი პრინციპები, ITIL-ის პრაქტიკები (სერვის დესკი- SPOC; პრობლემების მენეჯმენტი; ცვლილებების მენეჯმენტი; პროექტ მენეჯმენტი) და ასევე სერვისის გაწევის სხვადასხვა სპეციფიკა IT სფეროში.
კურსს სინტაქს აკადემიის კვალიფიციური ტრენერები – დიმიტრი ერემიანი, დავით სარქისიანი, მარიამ ჭლიკაძე და ელენე ბენდელიანი უძღვებოდნენ.
გუნდის სახელით, წარმატებას ვუსურვებთ თითოეულ სტუდენტს!
დღეიდან, სინტაქს აკადემია ISO მასერტიფიცირებელი, სატრენინგო კომპანია PECB-ს წარმომადგენელია საქართველოში!
სინტაქს აკადემიის საშუალებით, თქვენ გექნებათ შესაძლებლობა, გაიაროთ დარგობრივი ტრენინგები და მიიღოთ ISO სტანდარტის სერტიფიკატები, სხვადასხვა მიმართულებით.
აკადემიაში PECB-ს მიმართულებით გახსნილი ტრენინგები წარიმართება ქართულ ენაზე და წარუძღვება სერტიფიცირებული ტრენერი; პროცესში ჩაგერთვებათ წვდომები სასწავლო და დამხმარე რესურსებზე, თქვენთვის შექმნილი პორტალიდან შეგეძლებათ ონლაინ გაიაროთ ტესტირება და მიიღოთ შესაბამისი სტანდარტის მქონე სერტიფიკატი.
“მოხარული ვართ, რომ მოგვეცა თანამშრომლობის შესაძლებლობა, რომელიც მიზნად ისახავს უწყვეტი სწავლისა და განვითარების ხელშეწყობას, ISO სტანდარტების საუკეთესო პრაქტიკების დანერგვითა და IT განათლების მიწოდებით, საქართველოში, რაც საშუალებას მისცემს ორგანიზაციებს, განავითარონ შესაძლებლობები კონკურენტულ ბაზარზე.” – სინტაქს აკადემიის თანადამფუძნებელი, სალომე მახარაძე.
ექსკლუზიურად კომპანია სინტაქსის მომხმარებლებისთვის, კომპანია ManageEngine-მა თბილისში უმასპინძლა სემინარს, თემაზე – “Simplify your complex IT/Endpoint management along with Intrinsic integration“.
ღონისძიებას უძღვებოდა Karthick Chandrasekar, კომპანია ManageEngine-ს პროდუქტის Unified Endpoint Management & Security სპეციალისტი, რომელმაც დეტალურად განიხილა პროდუქტის, Endpoint Central-ის ფუნქციონალი, მისი უპირატესობები და შესაძლებლობები.
სესიის განმავლობაში, მონაწილეები ჩართულნი იყვნენ დისკუსიებში, რომლებიც ტრიალებდა Endpoint Central-ის მახასიათებლების ირგვლივ, მიიღეს დეტალური ინფორმაცია, IT მენეჯმენტის პროცესების გასაუმჯობესებლად.
კომპანია სინტაქსისა და ManageEngine-ს სახელით, გვინდა მადლობა გადავუხადოთ თითოეულ დამსწრეს, დაფასებისთვისა და აქტიური ჩართულობისათვის.
სამკვირიანი, ინტენსიური კურსის ფარგლებში, მონაწილეებმა სიღრმისეულად შეისწავლეს ServiceDesk Plus-ის ფუნქციონალი, მისი გამოყენება და მართვა.
ტრენინგს უძღვებოდა: მარიამ ჭლიკაძე – კომპანია სინტაქსის IT პროექტების გუნდის ხელმძღვანელი, ManageEngine ServiceDesk Plus დანერგვის სერტიფიცირებული ექსპერტი.
გუნდის სახელით, გვინდა წარმატება ვუსურვოთ თითოეულ მონაწილეს!
კომპანია სინტაქსმა, ქალთა საერთაშორისო დღის ფარგლებში სოციალურ ქსელში აუდიტორიას გაუზიარა ინფორმაცია და გააცნო ქალები, რომლებმაც განსაკუთრებული წვლილი შეიტანეს და გავლენა მოახდინეს ინფორმაციული ტექნოლოგიების სფეროში.
ადა ლავლეისი
ადა ლავლეისი – ცნობილი, როგორც პირველი კომპიუტერული პროგრამისტი ისტორიაში, რომელმაც მეცხრამეტე საუკუნეში შექმნა პირველი „ანალიტიკური ძრავა“, რაც წარმოადგენდა მექანიკურ, ზოგადი დანიშნულების კომპიუტერს.
ანალიტიკური ძრავის ერთ-ერთი ყველაზე ინოვაციური ასპექტი იყო მისი დაპროგრამების უნარი სხვადასხვა ამოცანის შესასრულებლად. ასევე, მისი საშუალებით შესაძლებელი იყო არა მხოლოდ სხვადასხვა არითმეტიკული მოქმედებების შესრულება (მათ შორის შეკრება, გამოკლება, გამრავლება, გაყოფა და ა.შ.), არამედ ნებისმიერი სიმბოლური ინფორმაციის დამუშავება და ლოგიკური ოპერაციების შესრულება, რაც თავისთავად ასახავს თანამედროვე კომპიუტერული პროგრამების კონცეფციას.
ადა ლავლეისის მუშაობამ ანალიტიკურ ძრავზე, საფუძველი ჩაუყარა თანამედროვე კომპიუტერულ მეცნიერებას და მოიპოვა მისი აღიარება, როგორც მსოფლიოში პირველი კომპიუტერული პროგრამისტი.
გრეის ჰოპერი
გრეის ჰოპერი – ცნობილი როგორც, კომპიუტერული პროგრამირების პიონერი და შეერთებული შტატების საზღვაო ძალების კონტრ-ადმირალი.
მან, UNIVAC I-ზე მუშაობისას, რომელიც წარმოადგენდა პირველ კომერციულ ელექტრონულ კომპიუტერს, წამოიწყო ავტომატური პროგრამირების იდეა და გამოიკვლია ახალი გზები კოდირებისთვის.
1952 წელს, გამოიგონა პროგრამირების ენის პირველი კომპილატორი – სახელწოდებით A-0, რამაც შემდგომში განაპირობა ერთ-ერთი ყველაზე ადრეული და ფართოდ გამოყენებული, მაღალი დონის პროგრამირების ენის – COBOL-ის (Common Business Oriented Language) განვითარება, რომელიც ასევე სასიცოცხლოდ მნიშვნელოვანი იყო ბიზნესისა და ადმინისტრაციული გამოთვლებისთვის.
ჰოპერმა მნიშვნელოვანი წვლილი შეიტანა, როგორც პროგრამული უზრუნველყოფის, ასევე პროგრამირების ენების დანერგვასა და მისი დიზაინის შემუშავებაში.
მარგარეტ ჰამილტონი
მარგარეტ ჰამილტონი – კომპიუტერული მეცნიერი და სისტემების ინჟინერი, რომელმაც შეიმუშავა საბორტო ფრენის პროგრამული უზრუნველყოფა, NASA-ს კოსმოსური ხომალდის APOLLO-ს მისიებისთვის, რის შედეგადაც, 1969 წელს, პირველად შეძლეს ადამიანების მთვარეზე დაშვება.
მარგარეტის პროგრამულმა უზრუნველყოფამ, რომელიც მან შეიმუშავა NASA-ს Apollo მისიების დროს, გადამწყვეტი როლი ითამაშა ამოცანების მართვასა და მათ პრიორიტეტიზირებაში. მისი მიზანი იყო, სისტემაზე პრობლემის აღმოჩენის შემთხვევაში, დაუყონებლივ შეტყობინება და ინფორმაციის აღდგენა, იმისათვის, რომ არ მომხდარიყო მთვარეზე დაშვების შეწყვეტა. მისიის კონტროლერების სწრაფმა მოქმედებებმა, ასტრონავტებს როგორიცაა, ნილ არმსტრონგი და ბაზ ოლდრინი, მთვარის ზედაპირზე წარმატებით დაშვების შესაძლებლობა მისცა.
აპოლოს მისიები, მათ შორის ისტორიული აპოლო 11-ის დაშვება, ითვლება მეოცე საუკუნის ერთ-ერთ უდიდეს მიღწევად.
რადია პერლმანი
რადია პერლმანი – ცნობილია, როგორც კომპიუტერული მეცნიერი და “ინტერნეტის დედა”, რომელმაც გამოიგონა STP (Spanning Tree Protocol), რამაც მნიშვნელოვანი წვლილი შეიტანა ქსელის ოპტიმიზაციის შემუშავებასა და მისი უსაფრთხოების უზრუნველყოფაში. STP-ის საშუალებით, აღარ არსებობს შანსი იმისა, რომ მოხდეს Switching Loop, რომელიც გამოიწვევს ქსელის გადატვირთვას და სრულიად გაჩერებას.
STP-ის გარდა, პერლმანმა წვლილი შეიტანა სხვადასხვა ქსელის პროტოკოლებისა და ალგორითმების, მათ შორის TRILL-ის (Transparent Interconnection of Lots of Links) შექმნაში, რომელიც მიზნად ისახავს გააუმჯობესოს Ethernet ქსელების ეფექტურობა, რისკების გარეშე. მისმა მუშაობამ დიდი გავლენა მოახდინა კომპიუტერული ქსელების დიზაინსა და ფუნქციონირებაზე.
მას მიღებული აქვს მრავალი ჯილდო და აღიარება კომპიუტერულ მეცნიერებაში შეტანილი წვლილისთვის.
